Civilnet
Ազգային ժողովում այսօր` մարտի 18-ին, մեկնարկեց հինգերորդ գումարման երրորդ նստաշրջանի հերթական նիստը, որի ընթացքում «Ժառանգություն» խմբակցության նախագահ Ռուբեն Հակոբյանը, դիմելով ԱԺ նախագահ Հովիկ Աբրահամյանին, ասաց, որ նա ձախողեց արտահերթ նիստ գումարելու` իր իսկ արած առաջարկը:
««Ժառանգությունը» և ՀՅԴ-ն ներկայացրին օրենքի նախագիծ արտահերթ նիստի համար, դրանք մի քանի փուլանոց բանակցություններ էին և ստացվեց այնպես, որ ինքներդ հայատարարելով, թե նախաձեռնելու եք արտահերթ նիստ, ոչ միայն չներկայացրիք օրենքի նախագիծ, այլև մերժեցիք մեր ներկայացրածը»,- ասաց Հակոբյանը, ինչին ի պատասխան Աբրահամյանն ասաց, որ իր կարծիքվ` բանակցությունենրը չեն ձախողվել:
«Այսօր էլ պատարստ ենք քննարկել այն հարցերը, որոնք Ձեր կողմից ներկայացված են, ուղղակի մենք ոչ թե դեմ ենք եղել արտահերթ նիստ գումարելուն և հարցը քննարկելուն, այլև առաջարկել ենք Ձեր ներկայացրած հարցերից մեկի մեջ փոփոխություն անել, և բացի Ձեզանից` մյուս խմբակցությունների ներկայացուցիչները համաձայնություն տվել են: Դուք չեք համաձայնել, դրա համար հետաձգվել է իմ այդ առաջարկը: Ես հիմա էլ եմ պատրաստ և նորից եմ հորդորում բոլոր խմբակցություններին` հավաքվել և ևս մեկ անգամ քննարկել հարցը»,- հայտարարեց ԱԺ նախագահը:
Ռուբեն Հակոբյանն էլ նշեց, որ իրենք բանակցություններին չեն մասնակցի մինչ այն պահը, երբ արտահերթ նիստ գումարելու` օրենքի նախագիծ լինի ՀՀԿ-ի կողմից:
Փետրվարի վերջին ԱԺ նախագահն առաջարկել էր հետընտրական զարգացումների հարցը քննարկել արտահերթ նիստի օրակարգում: «Ժառանգությունը» և ՀՅԴ-ն ներկայացրել էին երեքկետանոց օրակարգ, որի շուրջ պետք է ծավալվեին քննարկումները:
Պատմություններ
