Microsoft-ը համագործակցել է ԱՄՆ հատուկ ծառայությունների հետ. Guardian
Civilnet
ԱՄՆ Կենտրոնական հետախուզական վարչության (ԿՀՎ) նախկին աշխատակից Էդվարդ Սնոուդենի կողմից հրապարակված գաղտնի փաստաթղթերի շնորհիվ բացահայտվել է Microsoft տեխնոլոգիական ընկերության և ամերիկյան հատուկ ծառայությունների միջև համագործակցությունը:
Ինչպես հաղորդում է բրիտանական Guardian պարբերականը, Բիլ Գեյթսի ընկերությունը ԿՀՎ-ի հետ համագործակցել է վերջին երեք տարիներին: Microsoft-ի մասնագետներն օգնել են հետախուզական ծառայություններին շրջանցել իրենց իսկ կողմից ստեղծած Outlook.com փոստային համակարգի շիֆրերը:
2011թ. Microsoft-ի կողմից Skype ընկերությունը ձեռք բերելուց հետո տեսազանգերի ծառայությունը միացվել է PRISM համակարգին, որը կարող էր ձայնագրել ձայնային և տեսահաղորդագրություններ:
Microsoft-ում պնդում են, որ հատուկ ծառայությունների հետ իրենց համագործակցությունն ամբողջովին օրենքի սահմաններում է եղել, և ցանկացած մատչում թույլատրվել է դատարանի կողմից:
Պատմություններ
