CivilnetԼիբանանի երեք ավանդական հայկական կուսակցությունները` Հայ հեղափոխական դաշնակցություն, Սոցիալ-դեմոկրատ հնչակյան և Ռամկավար-ազատական կուսակցությունները, Քեսապում ստեղծված իրադրության հետ կապված հանդես են եկել հայտարարությամբ, որով լիբանանահայությանը կոչ են անում ապրիլի 1-ին` ժամը 12:00-14:00-ն, փակ պահել հայկական բոլոր կրթական հաստատություններն ու վաճառատները:
«Սիրիայի տարածքում ծավալվող զինվորական գործողությունները տագնապալի դրության մեջ են դրել սիրիահայությանը: Պատմական Քեսապ հայաբնակ ավանն այսօր դատարկված է իր դարավոր բնակչությունից: Ավելի քան 700 հայ ընտանիք դարձած է տեղահան: Թալանված են բնակիչների բնակարանները, վաճառատները: Վնասված են ազգային կառույցները»,- ասված է երեք կուսակցությունների հայտարարությունում:
Նրանց կոչում նշվում է, որ լիբանանահայությունը, ինչպես միշտ, ջանում է իր ուժերի ներածին չափով աջակցել իր հայրենակիցներին:
«Այս առիթով, ընդհանրապես սիրիահայության և հատկապես քեսապահայությանը մեր զորակցությունը հայտնելու և անմարդկային այս նորագույն սադրանքը դատապարտելու և բողոքի մեր ձայնը բարձրացնելու համար կոչ կուղղենք լիբանանահայությանը, որ երեքշաբթի` ապրիլի 1-ին` կեսօրվա ժամը 12:00-14:00-ը, փակ պահեն հայկական բոլոր վարժարանները, հաստատություններն ու վաճառատները»:
Մարտի 21-ի վաղ առավոտյան սիրիացի ապստամբների զինված խմբավորումները Թուրքիայի կողմից անցել էին սիրիական սահմանը և հարձակվել Քեսապի հայաբնակ շրջանի ու շրջակա գյուղերի վրա: Մարտի 22-ի երեկոյան Քեսապի գյուղերի բնակչությունն ամբողջությամբ արդեն տարհանվել էր Լաթաքիա:
Պատմություններ
