5 սպորտային ծաղրանկար` Charlie Hebdo խմբագրությունից

Երեկ ամբողջ աշխարհը սգում էր ֆրանսիական Charlie Hebdo պարբերականի 10 աշխատակիցների և 2 ոստիկանների մահը, Charlie Hebdo խմբագրության վրա զինված հարձակում են գործել ահաբեկիչները:

1970 թվականից գործող այս պարբերականը հայտնի է իր ծաղրանկաներով ու սուր երգիծական հոդվածներով: Charlie Hebdo-ի ծաղրանկարիչներն ու լրագրողներն անդրադարձել են բոլոր ոլորտներին` քաղաքականություն, շոուբիզնես, կրոն, սպորտ, մշակույթ... Նրանց բազմիցս քննադատել են, սպառնացել ու ահաբեկել, սակայն պարբերականը չի դադարացրել իր գործունեությունն և, ինչպես Ֆրանսիայի նախագահ Ֆրանսուա Օլանդը հայտարարեց, այն կշարունակի տպագրվել:

2011 թ. Մուհամմեդ մարգարեի ծաղրանկարը հրապարակելու համար Charlie Hebdo խմբագրությունն այրվել էր և արժանացել մուսուլմանական երկրների ղեկավարների քննադատությանը:

Հարձակումից մոտ մեկ ժամ առաջ պարբերականի Թվիթերում տեղադրվել էր «Իսլամական պետություն» խմբավորման առաջնորդի ծաղրանկարը: