100-րդ տարելիցին նվիրված հատուկ նիստ Ուրուգվայի խորհրդարանում

Ուրուգվայի Ներկայացուցիչների պալատը ապրիլի 15-ին հատուկ նիստ է գումարել՝ նվիրված Հայոց ցեղասպանության 100-րդ տարելիցին: Խորհրդարանական բոլոր կուսակցությունները հիշեցրել են մարդկության դեմ այս հանցանքը և վերահաստատել երկրի հավատարմությունը անպատժելիության դեմ պայքարին, հաղորդում է արգենտինական Prensa Armenia գործակալությունը: Նիստին ելույթներով են հանդես եկել մի շարք խորհրդարանականներ: Պատգամավոր Սուսանա Պերեյրան հիշեցրել է Ուրուգվայի «հայ համայնքի օրինակելի հիշողության», ինչպես նաև Ուրուգվայում համայնքի կողմից արդարության համար մղած պայքարի պատմության մասին:  Նա անդրադարձել է նաև Լեռնային Ղարաբաղին և հիշել, որ երբ ԼՂՀ-ում որպես դիտորդ մասնակցել է խորհրդարանական ընտրությոններին, մարդիկ ցանկացել են գրկախառնվել են իր հետ՝ իմանալով, որ Ուրուգվայից է: Պատգամավոր Էդուարդո Ռուբիոն նշել է «հայ ժողովրդի հերոսկանության» և Ուրուգվայի հայ համայնքի՝ երկրի զարգացման մեջ ունեցած ներդրման մասին: Նա ասել է նաև, որ պետք է տարանջատել Թուրքիայի ժխտողական քաղաքականությունը Թուրքիայի հանրության այն շերտերից, որոնք միացել են պատմական ճշմարտության բացահայտման գործին: Ելույթով հանդես են եկել նաև հայազգի պատգամավորներ: Ուրուգվայը առաջին երկիրն է, որը ճանաչել է Հայոց ցեղասպանությունը՝ 1965թ.։