Հայերի ճակատագիրը ցեղասպանության պատմական օրինակ է. Գերմանիայի նախագահ
Civilnet
Գերմանիայի նախագահ Յոախիմ Գաուկը 1915թ. Օսմանյան կայսրությունում հայերի զանգվածային սպանդն անվանել է ցեղասպանություն և տեղի ունեցածի համար պատասխանատվության մի մասը դրել է Գերմանիայի վրա, հաղորդում է Deutsche Welle պարբերականը:
Ապրիլի 23-ին ելույթ ունենալով Բեռլինի մայր տաճարում՝ Գերմանիայի ղեկավարը դուրս է եկել իշխող դաշինքի ձևակերպումների շրջանակից:
«Տվյալ դեպքում մեր՝ գերմանացիներիս առաջ, կանգնած խնդիրն է վերանայել տեսակետը իրադարձությունների վերաբերյալ, երբ խոսքը գնում է հայերի ցեղասպանության համար պատասխանատվության, նույնիսկ հնարավոր է՝ մեղքի չափաբաժնի մասին»,- ասել է նախագահը՝ նկատի ունենալով Կայզերական Գերմանիայի զինվորականության մասնակցությունը 1915թ. տեղի ունեցած իրադարձություններում:
Գաուկի խոսքով՝ «հայերի ճակատագիրը զանգվածային հաշվեհարդարի, էթնիկ զտումների, տեղահանությունների և նույնիսկ ցեղասպանության պատմական ցայտուն օրինակ է»: Նույն այս ձևակերպումը օգտագործվում է նաև հայտարարության մեջ, որը պատրաստել են Բունդեսթագի իշխող խմբակցությունները և որը ապրիլի 24-ին կդրվի քննարկման:
Իրադարձություն
Պատմություններ
