Civilnet
Սիրիայի ազգությամբ հայ քաղաքացիները, որոնք ունեն սիրիական նմուշի վարորդական վկայականներ, կկարողանան ստանալ ՀՀ վարորդական վկայականներ: Համապատասխան որոշման նախագիծը ընդգրկված է կառավարության մայիսի 27-ի նիստի օրակարգում: Որոշման նախագծի համաձայն՝ սիրիահայերին «պահանջներին չհամապատասխանող ազգային վարորդական վկայականների հիման վրա առանց որակավորման քննություններ հանձնելու կհատկացվի» ՀՀ ազգային վարորդական վկայական:
Սիրիահայերը ՀՀ ազգային վարորդական վկայական ստանալու համար պետք է ներկայացնեն մի շարք փաստաթղթեր, այդ թվում՝ անձնագիր կամ անձը հաստատող այլ փաստաթուղթ, իսկ դրանցում ՀՀ-ում փաստացի բնակության վայրի մասին տեղեկության բացակայության դեպքում` նաև փաստացի բնակության վայրի մասին տեղեկանք:
Կառավարությունը նախկինում՝ 2013թ. ապրիլին, որոշում էր ընդունել, ըստ որի՝ սիրիահայերի՝ վարորդական վկայականներին ներկայացվող պահանջներին չհամապատասխանող ազգային վարորդական վկայականները առանց որակավորման քննություններ հանձնելու փոխանակվում են, և նրանց հատկացվում է ՀՀ ազգային վարորդական վկայական՝ մեկ տարի ժամկետով՝ պայմանով, որ այդ ժամանակահատվածում այդ անձինք հանձնեն որակավորման քննություններ:
Պատմություններ
