Դամասկոսում հայ է զոհվել

Դամասկոսի Աբբասյան հրապարակի Ֆարես ալ Խուրի պողոտայի վրա սեպտեմբերի 3-ին ընկած հրթիռի պայթյունի հետևանքով զոհվել է ազգությամբ հայ, 1954թ. ծնված Սարգիս Պարսիկյանը:

Ինչպես տեղեկացնում է Հալեպի «Գանձասար» թերթի ֆեյսբուքյան էջը, Սարգիս Պարսիկյանը պայթյունի հետևանքով կորցրել է ոտքերը: Նա տեղափոխվել է հիվանդանոց` վիրահատության, սակայն բժիշկներին չի հաջողվել փրկել նրա կյանքը:

***

2011թ. սիրիական հակամարտության սկզբից ի վեր զոհվել է ավելի քան 200 հազ. մարդ, երկրի բնակչության ավելի քան մեկ երրորդը տեղահանվել է, 3 մլն-ից ավելի մարդ դարձել է փախստական: Բազմաթիվ սիրիահայեր ապաստան են գտել Լիբանանում և Հայաստանում:

2012-2015թթ. Հայաստան է եկել շուրջ 17 000 սիրիահայ, որից շուրջ 4000-ը մեկնել է այլ երկրներ: Ներկայում Հայաստանում տարբեր գնահատականներով մոտ 12 000 սիրիահայ կա, որոնց գերակշիռ մասը բնակվում է Երևանում: