Civilnet
Կառավարությունը սիրիահայ ուսանողների 2015-2016 թթ. ուստարվա վարձավճարի մասնակի փոխհատուցման համար պետբյուջեից կհատկացվի 24 մլն 656 հազ. դրամ: Ինչպես հաղորդում են կառավարության մամուլի ծառայությունից, համապատասխան որոշումը գործադիրն ընդունել է հոկտեմբերի 22-ի նսիտին:
«Սիրիահայ երիտասարդության՝ հայաստանյան հանրություն ինտեգրելուն ուղղված ծրագրերն ու միջոցառումները, նրանց հիմնահարցերը շարունակում են մնալ կառավարության ուշադրության կենտրոնում: Ուսման վարձավճարի փոխհատուցումը սիրիահայ ընտանիքների, երիտասարդների սոցիալական, թերևս, ամենահրատապ և շարունակական լուծում պահանջող հիմնահարցերից մեկն է»,- ասված է կառավարության հաղորդագրության մեջ:
***
Սիրիայում 2011-ից քաղաքացիական պատերազմ է ընթանում, որի հետևանքով զոհվել է ավելի քան 220 հազ. մարդ: Սիրիացի փախստականների թիվը, ՄԱԿ-ի տվյալներով, այս տարվա հուլիս ամսվա դրությամբ կազմել է ավելի քան չորս մլն մարդ:
Բազմաթիվ սիրիահայեր պատերազմի հետևանքով ապաստան են գտել Լիբանանում և Հայաստանում:
2012-2015թթ. Հայաստան է եկել շուրջ 17 000 սիրիահայ, որից շուրջ 4000-ը մեկնել է այլ երկրներ: Ներկայում Հայաստանում տարբեր գնահատականներով մոտ 12 000 սիրիահայ կա, որոնց գերակշիռ մասը բնակվում է Երևանում:
ՍիվիլՆեթը բազմիցս անդրադարձել է Հայաստանում հաստատված սիրիահայերին և նրանց խնդիրներին: Կարող եք դիտել Կտոր մը Հալեպ Երևանում և Կտոր մը Հալեպ Երևանում - 2 ռեպորտաժները:
Պատմություններ
