Civilnet
Կիրակի օրը Սիրիայի Դամասկոս և Հոմս քաղաքներում տեղի ունեցած պայթյունների հետևանքով զոհվել է առնվազն 140 մարդ, հաղորդում են միջազգային լրատվամիջոցները:
Սիրիայի պետական լրատվամիջոցների փոխանցմամբ՝ Դամասկոսի Սաիդա Զեյնաբ արվարձանում տեղի ունեցած չորս պայթյունների հետևանքով զոհվել է առնվազն 83 մարդ:
Ավելի վաղ հայտնի էր դարձել, որ Հոմսում կրկնակի պայթյուններից մոտ վեց տասնյակ մարդ, գերազանցապես՝ խաղաղ բնակիչներ:
CNN-ի հաղորդմամբ՝ երկու քաղաքներում տեղի ունեցած ահաբեկչության համար պատասխանատվությունը ստանձնել է «Իսլամական պետություն» ծայրահեղական խմբավորումը:
Ավելի վաղ ԱՄՆ-ի պետքարտուղար Ջոն Քերին հայտարարել էր, որ ռուսաստանցի իր պաշտոնակից Սերգեյ Լավրովի մոտեցել են Սիրիայում զինված հակամարտության դադարեցման վերաբերյալ նախնական համաձայնության: Քերին հստակեցրել է, որ խոսքը գնում է արյունահեղության դադարեցման վերաբերյալ ժամանակավոր համաձայնության մասին, որը կարող է ուժի մեջ մտնել մոտ օրերին: Քերիի խոսքով՝ ինքն ու Լավրովը հույս են հայտնել, որ ԱՄՆ և ՌԴ նախագահներ Բարաք Օբաման և Վլադիմիր Պուտինը առաջիկայում կքննարկեն սիրիական հակամարտությունը:
Պատմություններ
