Civilnet
ՌԴ նախագահ Վլադիմիր Պուտինը հայտարարել է, որ Սիրիայում ռազմական գործողությունների վրա ծախսվել է 33 մլրդ ռուբլի (մոտ 470 մլն դոլար), որոնք հատկացվել են ՌԴ պաշտպանության նախարարության բյուջեից:
«Իհարկե, Սիրիայում ռազմական օպերացիան պահանջել է որոշակի ծախսեր, սակայն դրանց հիմնական մասը ՊՆ ռեսուրսներն են՝ մոտ 33 մլրդ ռուբլի, որոնք ավելի վաղ դրվել էին գերատեսչության բյուջեի հիմքում՝ զորավարժությունների և ռազմական պատրաստականության անցկացման նպատակով: Մենք պարզապես վերաուղղել ենք այդ ռեսուրսները Սիրիայում խմբավորման ապահովմանը»,- Interfax գործակալությունը մեջբերում է ՌԴ նախագահին: Վերջինս շեշտել է, որ անհրաժեշտության դեպքում Ռուսաստանը Սիրիայում իր զինված ուժերը կարող է մի քանի ժամում ավելացնել:
ՌԴ օդային-տիեզերական ուժերը մարտի 15-ից սկսել են դուրս գալ Սիրիայից, ինչին զուգահեռ ընթանում են սիրիական հակամարտության կարգավորմանն ուղղված ջանքերը:
Ավելի վաղ ռուսական RBK պարբերականը, հիմնվելով ՌԴ ՊՆ հրապարակած տվյալներն ու փորձագետների գնահատականների վրա, հաշվել էր, որ Ռուսաստանը Սիրիայում օպերացիայի ընթացքում ծախսել է 38 մլրդ ռուբլի (մոտ 470 մլն դոլար):
Պատմություններ
