Սիրիայում ռուսաստանյան Սու-24 է կործանվել

Սիրիայի «Հմեյմիմ» ավիաբազայից թռիչքի ժամանակ ռուսաստանյան Սու-24 ինքնաթիռ է կործանվել․ ՌԴ պաշտպանության նախարարությանը վկայակոչելով՝ հաղոդրդում է BBC-ն։ Երկու օդաչուները զոհվել են։

Գերատեսչության տվյալներով՝ թափառքից հետո ինքնաթիռը դուրս է եկել թռիչքավայրէջքային գոտուց և կործանվել։ Երկու օդաչուները զոհվել են՝ չհասցնելով դիմել ինքնանետիչին։ Միջադեպի ենթադրյալ պատճառ է նշվում ինքնաթիռի անսարքությունը։ 

Սա թվով երկրորդ Սու-24 ն է, որը Ռուսաստանը կորցրել է Սիրիայում ռազմական օպերացիայի ընթացքում․ առաջին միջադեպը տեղի էր ունեցել 2015թ․ նոյեմբերին, երբ թուրքական օդուժը խոցել էր ռուսաստանյան կործանիչը։ Միջադեպը ռուս-թուրքական հարաբերությունների սրման էր հանգեցրել։

Ռուսաստանը սիրիական օպերացիան սկսել է 2015թ․ սեպտեմբերի 30-ին։ Երկու տարվա ընթացքում ռուսաստանյան օդուժը հասցրել է մի քանի հազար հարված և պաշտոնական տվյալներով՝ կորցրել մոտ 40 զինվորական։