Ադրբեջանական տեսանյութերում զինվորականների մեծ մասը Շիրակի պահեստազորայիններն են․ Մարմարաշենի համայնքապետ
Civilnet
Դեկտեմբերի 15-ին տարածվող՝ ադրբեջանական տեսանյութերում զինվորականների մեծ մասը Շիրակի մարզից է․ ծնողները նրանց նույնականացրել են։ ՍիվիլՆեթը կապ հաստատեց Մարմարաշենի համայնքապետ Կարեն Արշակյանի հետ, որը հաստատեց այս լուրը՝ հավելելով, որ Շիրակի տարբեր գյուղերից են։
«Ծնողները վիդեոներում տեսել են իրենց հարազատներին, նրանք հիմա փակել են Քեթի գյուղ տանող ճանապարհն ու որևէ տեղեկություն են պահանջում»,- ասաց Կարեն Արշակյանը։
Այս պահին Քեթի տանող ճանապարհը մնում է փակ։
Արցախի ՊԲ-ն ավելի վաղ տեղեկացրել էր, որ դեկտեմբերի 15-ի երեկոյան, դեռևս անհայտ պայմաններում, կորել է կապը Հադրութի Հին Թաղեր և Խծաբերդ գյուղերի ուղղությամբ տեղակայված ԱՀ ՊԲ մի քանի մարտական դիրքերի անձնակազմի հետ։ Ողջ գիշեր և այսօր առավոտյան շարունակվել են որոնողական աշխատանքները։ Ռուսական խաղաղապահ զորախմբի միջնորդությամբ գործուն քայլեր են իրականացվում պարզելու հայ զինվորականների գերեվարման հավանականությունը, դրա հաստատվելու դեպքում անհրաժեշտ գործողություններ ձեռնարկելու համար։
Գևորգ Թոսունյան
Տեղադրություն
Պատմություններ
