Civilnet
Կապան համայնքը պաշտպանող կամավորները փակել են քաղաքից Մեղրի տանող մայրուղին։ Կապանից Մեղրի տանող մայրուղին այս պահին փակ է․ տեղեկությունը ՍիվիլՆեթի հետ զրույցում հաստատեց Կապանի քաղաքապետ Գևորգ Փարսյանը:
«Մարդիկ ուզում են ավտանգության երաշխիք։ Ակցիայի հիմնական մասնակիցներն այն կամավորականներն են, որոնք մինչև հիմա իրականացրել են Կապան համայնքի սահմանների պաշտպանությունը»,- ասաց Փարսյանը։
Նրա խոսքով՝ այսօր ՊՆ-ից հրահանգ է իջեցվել զինվորականներին, որ վաղը մինչև 17։00-ն կամավորականները պետք է լքեն զբաղեցրած դիրքերը. «Այդ դիրքերով այսօր իրականացվում է Կապանի անվտանգությունը։ Եթե նրանք այդ դիրքերը լքեն, Կապանը հայտնվում է խայտառակ իրավիճակի մեջ, այդ թվում՝ Գորիս-Կապան ռազմավարական նշանակություն ունեցող ճանապարհը, ինչպես նաև ադրբեջանական կողմին կմնա Կապանից դեպի գյուղ Ագարակ տանող ճանապարհը»։
Փարսյանը նաև հավելեց, որ անգամ դիրքերը լքելիս հարկավոր է իրականացնել համալիր աշխատանքներ՝ Կապանի և հարակից գյուղերի բնակչության անվտանգությունն ապահովելու համար։
Գևորգ Թոսունյան
Պատմություններ
