Ֆրանսիացի պոռնո դերասանուհին ցանկանում է դառնալ պատգամավոր
Civilnet
Ֆրանսուհի Սելին Բարան վերջերս առաջադրվել է պատգամավորության թեկնածու և միանգամից արժանացել երկրի տղամարդկանց հավանությանն ու կանանց ատելությանը: Դա ամենևին զարմանալի չէ, քանի որ ծայրահեղ ձախերի կուսակցության ղեկավարը նկարահանվել է «մեծահասակների համար» մոտ 200 ֆիլմում: Հետևաբար, պոռնո-աստղի նախընտրական ծրագիրն ամբողջությամբ նվիրված է սիրո քրմուհիներին:
Բարան, մասնավորապես, հանդես է գալիս սակավաթիվ թաղամասերում մարմնավաճառության օրինականացման, 30-ժամյա աշխատանքային շաբաթվա, բոլոր բանկերի ազգայնացման և ֆրանսիացիներին ջրի ու էլեկտրաէներգիայի անվճար մատակարարման օգտին: Բացի այդ` Բարան առաջարկում է փակել Ֆրանսիայում գործող կրոնական բոլոր օբյեկտները:
Սելին Բարան արդեն ընդգրկվել է պատգամավորության ամենայուրօրինակ թեկնածուների շարքում, իսկ նրա՝ աչք շոյող նախընտրական պաստառները կարելի է հանդիպել երկրի ամեն երկրորդ սրճարանում. խորը բացվածքով վերնաշապիկով Սելին Բարան քարոզում է՝ «Հանուն հաճույքի, հավասարության և ազատության աշխարհի»:
Պատմություններ
