Հայաստանը 32 տոննա բեռով երրորդ մարդասիրական օգնությունն է ուղարկել Սիրիա

Հայաստանի արտակարգ իրավիճակների նախարարությունը կազմակերպել է երկրաշարժից տուժած Սիրիա մարդասիրական օգնության երրորդ խմբաքանակի տեղափոխումը՝ ավելի քան 32 տոննա քաշով:

Ըստ ԱԻՆ հաղորդագրության՝ բեռը ներառել է սնունդ և դեղորայք:

***

Փետրվարի 6-ին թուրք-սիրիական սահմանին 7,8 մագնիտուդ ուժգնությամբ երկրաշարժ է տեղի ունեցել, որի հետևանքով զոհվել է 48 հազար մարդ։ Միայն Թուրքիայում զոհերի թիվը գերազանցում է 42 հազարը։

Փետրվարի 8-ին Հայաստանը Սիրիա էր ուղարկել ավելի քան 30 տոննա մարդասիրական օգնություն, փետրվարի 14-ին՝ ևս 25 տոննա։ Հայաստանը Սիրիայում տեղի ունեցած ավերիչ երկրաշարժի աղետի գոտի էր ուղարկել նաև 29 հոգուց բաղկացած փրկարարական խումբ։

https://civilnet.am/news/692811/%d5%b4%d5%ab%d6%80%d5%a6%d5%b8%d5%b5%d5%a1%d5%b6%d5%a8-%d6%83%d5%a5%d5%bf%d6%80%d5%be%d5%a1%d6%80%d5%ab-23-%d5%ab%d5%b6-%d5%af%d5%b4%d5%a5%d5%af%d5%b6%d5%ab-%d5%bd%d5%ab%d6%80%d5%ab%d5%a1/