Civilnet
Ներկայում Հայաստանի ու Ադրբեջանի միջև առկա են դիվանագիտական շփումներ, ուղիղ խոսակցություն. հայտարարել է Ադրբեջանի նախագահի արտաքին հարցերով օգնական Հիքմեթ Հաջիևը BBC-ին տված հարցազրույցում։
Հղում անելով դեկտեմբերի 7-ի Հայաստանի վարչապետի և Ադրբեջանի նախագահի աշխատակազմերի միջև համաձայնությանը՝ նա նշել է, որ, «իր կարծիքով, կողմերին հաջողվել է դրական օրակարգով աշխարհին զարմացնել»։
Հաջիևի խոսքով՝ «անկախությունից ի վեր վերջին երեք ամիսները կարելի է համարել Հայաստանի ու Ադրբեջանի միջև հարաբերությունների ամենախաղաղ կամ ամենահանգիստ շրջափուլը»։
Ադրբեջանցի պաշտոնյան ասածը հիմնավորել է հետևյալ կերպ․ «Չկա պատերազմ, չկա վայրագություն, չկա առճակատում, զինվորները վերադառնում են իրենց զորանոցը, և տեղում ապահովվել է հարաբերական խաղաղություն։ Հիմա եկել է ժամանակը այն փոխակերպելու կայուն և տևական խաղաղության, որը պետք է ուղեկցվի խաղաղության պայմանագրի կնքմամբ»։
Ադրբեջանի նախագահի օգնականը հարցազրույցում անդրադարձել է Լեռնային Ղարաբաղից բռնի տեղահանված հայերին՝ փորձելով համոզել, որ Ադրբեջանը նրանց վերադարձի համար «տրամադրում է բոլոր հնարավորությունները՝ այդ թվում անվտանգային»։
«Այստեղ հիմնական նախապայմանն այն է, որ [հայերը] պետք է ընդունեն Ադրբեջանի քաղաքացիություն և ապրեն ադրբեջանական օրենքներին համապատասպան»,- ասել է Հաջիևը և հավելել, որ ադրբեջանական կառավարությունը վերադարձի նպատակով ստեղծել է հատուկ էլեկտրոնային համակարգ։
Պատմություններ
