Civilnet
Ադրբեջանական կողմը հայտնում է, որ սահմանազատման արդյունքում Հայաստանի վերադարձրած Կըզըլ Հաջիլի բնակավայրում ականի պայթյունից տուժել է չորս մարդ։
Ադրբեջանի գլխավոր դատախազության, Պետական սահմանապահ ծառայության և ԱՆԱՄԱ ականազերծման գործակալության համատեղ հայտարարությունում ասվում է, որ հակահետևակային ականի պայթյունի հետևանքով ոտքերի շրջանում վիրավորվել են մեկ սահմանապահ և գործակալության մեկ աշխատակից։ Գործակալության ևս երկու ներկայացուցիչ ստացել են բեկորային վնասվածքներ։
Տուժածների կյանքին վտանգ չի սպառնում։
***
Ապրիլի 19-ին հայ-ադրբեջանական սահմանին տեղի էր ունեցել երկու երկրների սահմանազատման հանձնաժողովների ութերորդ հանդիպումը, որի արդյունքում կողմերը նախնական համաձայնեցրել էին Տավուշի մարզի չորս գյուղերի հատվածները։ Մայիսի 15-ին արդեն սահմանազատման հանձնաժողովները ստորագրվել էին չորս գյուղերի միջև սահմանագծի հատվածների համատեղ կազմված արձանագրությունը։ Հանձնաժողովների համատեղ հաղորդագրությունում նշված էր, որ Հայաստանի Բաղանիս, Ադրբեջանի Բաղանիս-Այրում, Հայաստանի Ոսկեպար, Ադրբեջանի Աշաղը Ասկիպարա, Հայաստանի Կիրանց, Ադրբեջանի Խեյրեմլի, Հայաստանի Բերքաբեր, Ադրբեջանի Կըզըլ Հաջիլի գյուղերի հատվածներում սահմանի նկարագրություն-արձանագրությունները համաձայնեցվել են ԽՍՀՄ Զինված ուժերի Գլխավոր շտաբի 1976-ի իրավական հիմք ունեցող քարտեզների հիման վրա:
Պատմություններ
