Civilnet
Ադրբեջանը խաղաղության պայմանագրի վերաբերյալ իր պատասխան առաջարկները կներկայացնի Երևանին։ Այդ մասին սեպտեմբերի 2-ին Սերբիայի իր պաշտոնակցի հետ ասուլիսի ժամանակ հայտարարել է Ադրբեջանի արտգործնախարար Ջեյհուն Բայրամովը։
Օրերս Երևանի ներկայացրած առաջարկներում, ըստ Բայրամովի՝ «մի քանի կարևոր կետեր դուրս է թողել»։
«Խաղաղության համաձայնագրի նախագծում կարևոր կետեր ներառված չեն, և մեզ ասացին, որ դա հարցի լուծում է։ Նախորդ հակամարտության համատեքստում` համաձայնագիրը և դրա յուրաքանչյուր կետ շատ կարևոր նշանակություն ունեն։ Հայկական կողմին խորհուրդ ենք տալիս ավելի լուրջ մոտենալ այդ հարցերին։ Մոտ ժամանակներս մենք Հայաստանին կներկայացնենք այն տարբերակը, որը հիմնված է միջազգային իրավունքի վրա և համապատասխանում է մեր ազգային շահերին»,- նշել է Բայրամովը։
ՀՀ արտաքին գործերի նախարարի տեղակալ Վահան Կոստանյան սեպտեմբերի 1-ին Պրահայում անցկացվող GLOBSEC համաժողովի շրջանակում հայտարարել է, որ Հայաստանը ադրբեջանական կողմին փոխանցել է խաղաղության պայմանագրի 10-րդ փաթեթը:
Պատմություններ
