Ադրբեջանն ավելացնում է ռազմական ծախսերը

Ադրբեջանը հաջորդ տարվա համար ավելացնում է ռազմական ծախսերը։ Ըստ Ադրբեջանի 2025-ի պետական բյուջեի՝ կառավարությունը պաշտպանության և ազգային անվտանգության ծախսերի համար հատկացնելու է շուրջ 4,9 միլիարդ դոլար։ 

Ընդհանուր գումարից 1,567 մլրդ դոլարը ուղղվելու է պաշտպանական ուժերի, մոտ 275 մլն դոլարը՝ ազգային անվտանգության, շուրջ 318 մլն՝ սահմանային ուժերի ծախսերի համար։ Իսկ պաշտպանության և ազգային անվտանգության այլ կարիքների համար նախատեսված է շուրջ 2,7 մլրդ դոլար։

Ըստ ադրբեջանական լրատվամիջոցների՝ ռազմական ծախսերի համար ի սկզբանե նախատեսված էր շուրջ 3,9 միլիարդ դոլար, սակայն հաշվի առնելով Հայաստանի՝ սպառազինություններ ձեռք բերման քաղաքականությունը, Ադրբեջանը պաշտպանական և ազգային անվտանգության ոլորտին հատկացվող գումարը ավելացրել է մոտ 1 մլրդ դոլարով։

https://civilnet.am/news/798326/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%bc%d5%a1%d5%a6%d5%b4%d5%a1%d5%af%d5%a1%d5%b6-%d5%a2%d5%b5%d5%b8%d6%82%d5%bb%d5%a5%d5%b6-%d5%a1%d5%b3%d5%b8%d6%82%d5%b4-%d5%a7-%d5%b4%d5%b8%d5%bf-20-%d5%bf%d5%b8%d5%af%d5%b8%d5%bd%d5%b8%d5%be/