ԲԴԽ անդամի պաշտոնում առաջադրվել է Ալեքսանդր Սիրունյանի թեկնածությունը
Civilnet
Ազգային ժողովի «Քաղաքացիական պայմանագիր» խմբակցությունը Բարձրագույն դատական խորհրդի (ԲԴԽ) անդամի պաշտոնում առաջադրել է Ալեքսանդր Սիրունյանի թեկնածությունը:
ԲԴԽ անդամի թեկնածու առաջադրելու մասին ԱԺ նախագահի հայտարարությունը հրապարակված է խորհրդարանի կայքում։
Կարեն Անդրեասյանը նոյեմբերի 18-ին հայտարարել էր ԲԴԽ նախագահությունից և անդամությունից հրաժարվելու մասին։ Նույն օրը պաշտոնից հեռացել էր ևս հինգ պաշտոնյա։
Նոյեմբերի 22-ին Հանրային հեռուստաընկերությանը տված հարցազրույցում վարչապետ Նիկոլ Փաշինյանը հաստատել էր, որ անկախ համարվող դատական համակարգի ներկայացուցչին՝ Բարձրագույն դատական խորհրդի նախագահին «խնդրել է» թողնել պաշտոնը։
Բարձրագույն դատական խորհուրդն իր կազմից է ընտրում խորհրդի նախագահ: ԲԴԽ նախագահի ընտրության համար գաղտնի քվեարկվում են համապատասխանաբար Ընդհանուր ժողովի կամ Ազգային ժողովի կողմից ընտրված բոլոր անդամների թեկնածությունները:
Պատմություններ
