Հռոմի պապի աթոռին հավակնող կարդինալները 

Հռոմի պապի հուղարկավորությունից երկու-երեք շաբաթ անց կարդինալների քոլեջը կգումարվի Սիքստինյան կապելայում՝ նոր պապի ընտրության խիստ գաղտնի գործընթացը՝ կոնկլավն անցկացնելու նպատակով։

Կոնկլավի կանոններում նշվում է, որ 252 կարդինալներից 138-ը որակվում են որպես ընտրող։ Սիքստինյան կապելլայում գաղտնի քվեարկությանը կարող են մասնակցել միայն 80 տարեկանից ցածր անձինք։

Ներկայացնում ենք Հռոմի պապի աթոռին հավակնող թեկնածուներին:

Կարդինալ Պիետրո Պարոլին

2013-ից Վատիկանի պետական քարտուղար հանդիսացող 70-ամյա Պիետրո Պարոլինն ընտրող կոնկլավի ամենաբարձրաստիճան անդամն է: Կարդինալ Պարոլինը, որը չի պատկանում «ձախ» կամ «աջ» քաղաքական հոսանքների, եկեղեցում համարվում է խելամիտ, չափավոր դեմք:

Իտալական L'Eco di Bergamo թերթին տված հարցազրույցում մեկնաբանել է մի շարք աշխարհաքաղաքական հարցեր:

«Յուրաքանչյուր ոք կարող է նպաստել խաղաղությանը, բայց լուծումները երբեք չպետք է որոնվեն միակողմանի պարտադրումների միջոցով, որոնք կարող են ոտնահարել ժողովուրդների իրավունքները, հակառակ դեպքում երբեք չի լինի արդարացի և երկարատև խաղաղություն»,- ասել է Վատիկանի պետական քարտուղար 70-ամյա Պիետրո Պարոլինը:

Կարդինալ Պետեր Էրդո

Որպես Եվրոպայի եպիսկոպոսների համաժողովների խորհրդի նախկին նախագահ՝ կարդինալ Պետեր Էրդոն եկեղեցու պահպանողական թևի առաջատար թեկնածուն է, և կարծիք կա, որ նա կարող է լինել կարդինալ Պարոլինի հիմնական մրցակիցը:

72-ամյա հունգարացին եկեղեցում հայտնի է որպես ավելի պահպանողական, որը դեմ է արտահայտվել ամուսնալուծված կաթոլիկների՝ Սուրբ հաղորդություն ստանալու պրակտիկային՝ հաշվի առնելով ամուսնության անլուծելիության իր հավատը:

Նա նաև փախստականների ընդունումը համեմատել է մարդկանց թրաֆիքինգի հետ: Էրդոն 2003-ին կարդինալ է դարձել Հռոմի պապ Հովհաննես Պողոս II-ի կողմից:

Կարդինալ Լուիս Անտոնիո Տագլե

Կարդինալ դարձած յոթերորդ ֆիլիպինցին, կարդինալ Անտոնիո Տագլեն կարող է դառնալ առաջին ասիացի պապը: 67-ամյա կարդինալն առաջատար թեկնածուների շարքում ամենալիբերալն է:

Կարդինալ Տագլեն սովորաբար ցուցադրել է ավելի ձախակողմյան քաղաքական հայացքներ, որոնք նման են Հռոմի պապ Ֆրանցիսկոսի հայացքներին, և քննադատել է եկեղեցու վերաբերմունքը և լեզուն գեյերի, չամուսնացած մայրերի և ամուսնալուծված կամ կրկին ամուսնացած կաթոլիկների նկատմամբ:

Կարդինալ Մատեո Զուպպի

Համարվելով Հռոմի պապ Ֆրանցիսկոսի սիրելիներից մեկը՝ կարդինալ Մատեո Զուպպին 2022-ի մայիսից Իտալիայի Եպիսկոպոսական համաժողովի նախագահն է:

69-ամյա Զուպպին կարդինալ է նշանակվել 2019-ին՝ Ֆրանցիսկոսի կողմից:  

Կարդինալ Ռայմոնդ Լեո Բըրք

Քննադատների կողմից դիտվելով որպես բացահայտ ավանդապաշտ՝ Վիսկոնսինում ծնված կարդինալ Լեո Բըրքը 2010-ին կարդինալ է նշանակվել Հռոմի պապ Բենեդիկտոս XVI-ի կողմից:

Նա հրապարակավ բախվել է Հռոմի պապ Ֆրանցիսկոսի ավելի լիբերալ փիլիսոփայությանը, հատկապես վերջինիս պատրաստակամությանը՝ թույլ տալ ամուսնալուծված և կրկին ամուսնացած զույգերին հաղորդություն ստանալ:  

Կարդինալ Պիտեր Թուրքսոն

76-ամյա գանացի Պիտեր Թուրքսոնը կլինի առաջին աֆրիկյան պապը հինգերորդ դարի Պապ Գելասիոս I-ից հետո:

Կարդինալ Թուրքսոնը թեկնածու էր 2013-ին, բայց այժմ ավելի շատ աջակցություն ունի, քան երբ Հռոմի պապ Ֆրանցիսկոսն ընտրվեց վերջին կոնկլավում:

Կարդինալ Թուրքսոնը ձախական է և եկեղեցում առաջնորդություն է իրականացրել սոցիալական արդարության հարցերում, եղել է նեոլիբերալ կապիտալիզմի քննադատ և աշխատել խաղաղության համար:

Կարդինալ Ռոբերտ Սարա

79-ամյա գվինեացի կարդինալ Ռոբերտ Սարան պահպանողական է, նախկին պապ Բենեդիկտոսի դաշնակիցն էր, ծառայել է որպես նրա Պապական խորհրդի նախագահ:

Կարդինալ Սարան 2001-ից Վատիկանում առաջատար դերակատար է եղել և մեծ փորձ ունի եկեղեցու կառույցներում:  

Կարդինալ Սարան ավանդապաշտ է և պահպանողական:  

Նրա ուժեղ կողմերից մեկն այն է, որ ունի իսլամի ավելի խորը ըմբռնում և հարգանք, որպես կարդինալ մի երկրից, որտեղ բնակչությունը բաժանված է երկու կրոնների միջև:  

Կարդինալ Ֆրիդոլին Ամբոնգո Բեսունգու

65-ամյա աֆրիկացի Ամբոնգո Բեսունգուն համարվում է Ֆրանցիսկոսի հնարավոր հաջորդ:

Բեսունգան կարևոր դեր է խաղացել Աֆրիկայում կաթոլիկության տարածման գործում: Բայց ինչպես մյուս աֆրիկացի կարդինալները, նա պահպանողական է և միջազգային ճանաչում է ձեռք բերել նույնասեռ միությունների օրհնությունների դեմ իր ընդդիմությամբ:

Կարդինալ Անջելո Սկոլա

83-ամյա Սկոլան կլինի ամենատարեց կարդինալը, որը հավակնում է ընտրվել պապի պաշտոնում՝ 1670-ից ի վեր Կլեմենտ X-ից հետո:

Կարդինալ Վիմ Էյջք

71-ամյա Ուտրեխտի արքեպիսկոպոսը եղել է Հռոմի պապ Ֆրանցիսկոսի պապության ամենամեծ պահպանողական քննադատներից մեկը: 2015-ին նա հասարակական ուշադրության կենտրոնում հայտնվեց, երբ հեռացրեց ծխական գանձապահին իր պաշտոնից, որովհետև նա տրանսգենդեր էր:

Կարդինալ Պիերբատիստա Պիցաբալլա

Երուսաղեմի պատրիարք Պիցաբալլան ընդամենը 60 տարեկան է և շատ ավելի երիտասարդ է, քան մյուս բոլոր հավակնորդները:

Կարդինալ Մարկ Ուելե

Քվեբեկից կանադացի կարդինալ Մարկ Ուելեն սահուն խոսում է յոթ լեզուներով: 80 տարեկան Ուելեն չափազանց ծեր է կոնկլավում քվեարկելու համար, չնայած նա մնում է թեկնածու պապության համար:

Կարդինալ Վինսենթ Նիկոլս

79 տարեկան կարդինալ Վինսենթ Նիկոլսը կարող է հայտնվել որպես փոխզիջումային թեկնածու, եթե կոնկլավի խմբավորումների միջև տարաձայնություն առաջանա:

Անգլիացի կարդինալը, որը ծնվել է Լանկաշիրի Քրոսբիում, կլինի առաջին բրիտանացի պապը 1154-ից ի վեր Ադրիան IV-ից հետո:

Կարդինալ Քեվին Ֆարրել

Ներկայումս կարդինալ Քեվին Ֆարրելը՝ իռլանդացի ծագմամբ ամերիկացի, որը հայտարարեց Հռոմի պապ Ֆրանցիսկոսի մահվան մասին, հանդես է գալիս որպես եկեղեցու ժամանակավոր վարչական ղեկավար իր՝ Սուրբ Հռոմեական եկեղեցու կամերլենգոյի դերում:

77-ամյա կարդինալը լիովին չի կարող բացառվել որպես հաջորդ պապ, բայց նա չի համարվում պապի թեկնածու: