Թրամփը Մայք Ուոլցին ազատել է ազգային անվտանգության խորհրդականի պաշտոնից
Civilnet
ԱՄՆ նախագահ Դոնալդ Թրամփը Մայք Ուոլցին հեռացրել է ազգային անվտանգության խորհրդականի պաշտոնից, ով կորցրել էր վարչակազմի պաշտոնյաների վստահությունը։ Այս մասին հայտնում է CBS News-ը։
Թրամփը հայտարարել է, որ Ուոլցին կառաջադրի ՄԱԿ-ում դեսպանի պաշտոնում, իսկ ազգային անվտանգության խորհրդականի ժամանակավոր պաշտոնակատարը կլինի պետքարտուղար Մարկո Ռուբիոն։
«Մարտադաշտում, Կոնգրեսում և որպես իմ ազգային անվտանգության խորհրդական՝ Մայք Ուոլցը քրտնաջան աշխատել է մեր երկրի շահերն առաջ տանելու համար։ Ես գիտեմ, որ նա նույնը կանի իր նոր դերում։ Ժամանակավորապես պետքարտուղար Մարկո Ռուբիոն կծառայի որպես ազգային անվտանգության խորհրդական՝ շարունակելով իր ղեկավարությունը Պետդեպարտամենտում»,- ասել է Թրամփը։
Թեմա
Պատմություններ
