Ռուսաստանն իր քաղաքացիներին Ադրբեջանում զգույշ լինելու կոչ է արել

Ռուսաստանի արտաքին գործերի նախարարությունը ՌԴ քաղաքացիներին կոչ է արել Ադրբեջանի մեկնելիս հաշվի առնել ստեղծված իրավիճակը, իսկ Ադրբեջանում գտվողներին առավել զգույշ լինել։

Ավելի վաղ Բաքվում ձերբակալվել էին Ռուսաստանի երկու խումբ քաղաքացիներ։ Ադրբեջանը նրանց կասկածում է Իրանից թմրանյութերի տարանցման, համացանցի միջոցով թմրանյութերի տարածման և կիբերխարդախության մեջ։ Ադրբեջանի ներքին գործերի նախարարությունը հայտարարել էր, որ իրավապահ մարմինները գործողություն են իրականացնում «Սպուտնիկ Ադրբեջան» լրատվական գործակալության գրասենյակում։

Ադրբեջանը ռուսական կողմին թույլ չէր տվել այցելել ձերբակալվածներին, իսկ Ռուսաստանը կոչ էր արել Ադրբեջանին «միջոցներ ձեռնարկել հարաբերությունները ռազմավարական դաշինքի մակարդակի վերադարձնելու համար»։