Civilnet
Աբու Դաբիում, Հայաստանի եւ Ադրբեջանի միջեւ խաղաղության գործընթացի շրջանակում, մեկնարկել է Հայաստանի Հանրապետության վարչապետ Նիկոլ Փաշինյանի եւ Ադրբեջանի Հանրապետության նախագահ Իլհամ Ալիևի երկկողմ հանդիպումը։ Այս մասին հայտնում է վարչապետի խոսնակ Նազելի Բաղդասարյանը։
Վարչապետ Նիկոլ Փաշինյանը հուլիսի 9-ին Արաբական Միացյալ Էմիրություններ է մեկնել 20 հոգանոց պատվիրակության հետ։ Հուլիսի 10-ին Աբու Դաբիում Փաշինյանը երկկողմ հանդիպում է ունենալու Ադրբեջանի նախագահ Իլհամ Ալիևի հետ։
ԱՄԷ մեկնող պատվիրակության կազմում են վարչապետ Նիկոլ Փաշինյանը, փոխվարչապետ Մհեր Գրիգորյանը, ԱԽ քարտուղար Արմեն Գրիգորյանը, ԱԳ նախարար Արարատ Միրզոյանը, փոխարտգործնախարարներ Վահան Կոստանյանը, Ռոբերտ Աբիսողոմոնյանինը, ԱԺ փոխխոսնակ Ռուբեն Ռուբինյանը, Պետական պահպանության ծառայության պետ Արթուր Գասպարյանը, վարչապետի մամուլի խոսնակ Նազելի Բաղդասարյանը, ինչպես նաև Արաբական Միացյալ Էմիրություններում ՀՀ արտակարգ և լիազոր դեսպան Կարեն Գրիգորյանը և կառավարության այլ ներկայացուցիչներ։
Վարչապետի մամուլի խոսնակ Նազելի Բաղդասարյանը հայտնել է, որ հուլիսի 10-ին, Հայաստանի և Ադրբեջանի միջև խաղաղության գործընթացի շրջանակում, Աբու Դաբիում տեղի կունենա երկկողմ հանդիպում՝ Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության նախագահ Իլհամ Ալիևի միջև։
Հայաստանի և Ադրբեջանի ղեկավարների վերջին հանդիպումը տեղի է ունեցել Տիրանայում մայիսի 16-ին։
ԱՄՆ պետքարտուղար Մարկո Ռուբիոն հույս է հայտնել, որ շատ շուտով խաղաղության համաձայնագիր կկնքվի Հայաստանի և Ադրբեջանի միջև։
Պատմություններ
