Civilnet
Առնվազն 30 մարդ է զոհվել Պեկինի հյուսիսային շրջաններում հորդառատ անձրևների և ջրհեղեղների հետևանքով, հաղորդում են պետական լրատվամիջոցները:
Ըստ Չինաստանի պետական «Սինհուա» գործակալության՝ Միյուն շրջանում գրանցվել է 28 մահվան դեպք, ևս երկու մարդ զոհվել է Յանծին շրջանում:
«Վերջին ուժգին տեղումներն արդեն 30 մարդու կյանք են խլել Պեկինում մինչև երկուշաբթի կեսգիշեր»,- հայտնել է քաղաքային ջրհեղեղների վերահսկման շտաբը:
Տեղումներ սկսվել են անցած հանգստյան օրերին և երկուշաբթի ուժգնացել են թե՛ Պեկինում, և թե՛ նրան հարակից նահանգներում։
Պեկինի իշխանությունները տարհանել են ավելի քան 80,000 բնակիչ այն շրջաններից, որոնք առավելապես տուժել են ջրհեղեղներից, հայտնել է պետական հեռուստատեսությունը՝ CCTV-ն։ Ջրհեղեղները վնասել են տասնյակ ճանապարհներ և ընդհատել էլեկտրամատակարարումը առնվազն 136 գյուղում:
Ըստ կանխատեսումների՝ Պեկինում սպասվում է նոր ուժգին տեղումներ:
Պատմություններ
