Civilnet
ԱՄՆ պետքարտուղար Մարկո Ռուբիոն հույս է հայտնել, որ օգոստոսի 8-ին Հայաստանի և Ադրբեջանի միջև համաձայնագիր կկնքվի և կդրվի խաղաղության գործընթացի սկիզբը։ Այս մասին նա հայտարարել է EWTN հեռուստաընկերությանը տված հարցազրույցում։
Նա ընդգծել է, որ ԱՄՆ-ը շարունակական աջակցություն է տրամադրում խաղաղության գործընթացին՝ հաշվի առնելով, որ խաղաղությունը մշտական չէ և անհրաժեշտ է մշտական աշխատանք՝ պահպանելու այն։
Ռուբիոն հիշատակել է նաև ԱՄՆ-ի միջնորդական դերը տարբեր հակամարտություններում, այդ թվում՝ Հնդկաստան-Պակիստան, Կամբոջիա-Թաիլանդ, որտեղ, ըստ Ռուբիոյի, ԱՄՆ նախագահը կարողացավ խաղաղության հասնել։
Այսօր Վաշինգտոնում սպասվում են Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի երկկողմ և եռակողմ հանդիպումները ԱՄՆ նախագահի հետ։ Հաղորդվել է, որ հանդիպման արդյունքներով ստորագրվելու են փաստաթղթեր։
Պատմություններ
