Civilnet
Հայաստանն ու Ադրբեջանը խաղաղության համաձայնագիր կստորագրեն օգոստոսի 8-ին, Reuters-ի հաղորդմամբ, այս մասին հայտնել է Սպիտակ տունը՝ նշելով, որ նախագահ Դոնալդ Թրամփը կհյուրընկալի երկու երկրների ղեկավարներին ստորագրման հանդիսավոր արարողության համար:
«Սա միայն Հայաստանի մասին չէ։ Սա միայն Ադրբեջանի մասին չէ։ Սա վերաբերում է ամբողջ տարածաշրջանին, և նրանք գիտեն, որ այդ տարածաշրջանը ճանաչված է որպես ավելի ապահով և բարգավաճ՝ նախագահ Թրամփի հետ»,- Reutes-ին ասել է Սպիտակ տան անանուն պաշտոնյան։
Սպիտակ տան մամուլի խոսնակ Աննա Քելլին լրագրողներին հայտնել է, որ Թրամփը համաձայնագրեր կստորագրի ինչպես Հայաստանի, այնպես էլ Ադրբեջանի հետ՝ էներգետիկայի, տեխնոլոգիաների, տնտեսական համագործակցության, սահմանային անվտանգության, ենթակառուցվածքների և առևտրի ոլորտներում։ Այլ մանրամասներ չեն հաղորդվել։
Այսօր Վաշինգտոնում սպասվում են Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի երկկողմ և եռակողմ հանդիպումները ԱՄՆ նախագահի հետ։ Հաղորդվել է, որ հանդիպման արդյունքներով ստորագրվելու են փաստաթղթեր։
Պատմություններ
