Միրզոյանն ու Բայրամովը քննարկել են Համատեղ հռչակագրի իրականացումը

Օգոստոսի 12-ին Հայաստանի Հանրապետության ԱԳ նախարար Արարատ Միրզոյանը հեռախոսազրույց է ունեցել Ադրբեջանի Հանրապետության ԱԳ նախարար Ջեյհուն Բայրամովի հետ:

Ըստ ԱԳՆ-ի տարածած հաղորդագրության՝ նախարարները քննարկել են Վաշինգտոնում ստորագրված Համատեղ հռչակագրի իրականացումը, ինչպես նաև վստահության ամրապնդման միջոցներ:

Արարատ Միրզոյանը և Ջեյհուն Բայրամովը մտքեր են փոխանակել տարածաշրջանային հարցերի շուրջ և վերահաստատել են ուղիղ երկխոսությունը շարունակելու իրենց պատրաստակամությունը:

Հայաստանն ու Ադրբեջանը օգոստոսի 8-ին Վաշինգտոնում նախաստորագրեցին համաձայնագիրը, որի տեքստը հրապարակվեց օգոստոսի 11-ին։ Այն բաղկացած է 17 կետից։