ՄԱԿ-ը պաշտոնապես հայտարարել է՝ Գազայում սով է

ՄԱԿ-ի՝ սննդի հասանելիությունը որոշող դասակարգման համակարգը պաշտոնապես հաստատել է, որ Գազայում սով է, և կես միլիոնից ավելի պաղեստինցիներ բախվում են աղետալի սովի պայմանների և սովամահ են լինում։

Իսրայելի արտաքին գործերի նախարարությունը մերժել է այս եզրակացությունները՝ հայտարարելով, թե Գազայում սով չկա, և որ տվյալները հիմնված են «ՀԱՄԱՍ-ի ստի» վրա։

AlJazeera-ին բժշկական աղբյուրները հայտնել են, որ վաղ առավոտից Գազայի ողջ տարածքում սպանվել է առնվազն 47 պաղեստինցի, այդ թվում՝ 31-ը՝ Գազա քաղաքում, որտեղ տեղի են ունենում ամենաինտենսիվ ռմբակոծությունները։

ՀԱՄԱՍ-ը Իսրայելի վարչապետ Բենյամին Նեթանյահուին մեղադրել է հրադադարի հասնելու միջազգային միջնորդների ջանքերն անտեսելու և Գազա քաղաքի ռազմական օկուպացիան առաջ տանելու մեջ։

Համաշխարհային առաջնորդները դատապարտել են Իսրայելի կողմից այսպես կոչված «E1» բնակավայրի ընդլայնման նախագծի հաստատումը, որը կխզի օկուպացված Հորդանան գետի Արևմտյան ափին գտնվող Ռամալլայի և Բեթղեհեմի միջև վերջին կապերից մեկը։

Գազայի դեմ Իսրայելի պատերազմի հետևանքով զոհվել է առնվազն 62,192 մարդ, 157,114-ը՝ վիրավորվել, մինչդեռ 2023-ի հոկտեմբերի 7-ի հարձակումների ժամանակ Իսրայելում զոհվել է 1,139 մարդ, իսկ ավելի քան 200-ը՝ գերեվարվել։