Civilnet
Հարավային Կովկասի հարցերով Եվրամիության ներկայացուցիչ Մագդալենա Գրոնոն եվրոպական ընտանիքի անունից պատրաստակամություն է հայտնել աջակցելու Երևանի ու Բաքվի միջև համաձայնեցրած հարցերի իրագործմանը, այդ թվում՝ հաղորդակցային ուղու կյանքի կոչմանը։ Այդ մասին Գրոնոն խոսել է օգոստոսի 28-ին Բաքվում Ադրբեջանի նախագահ Իլհամ Ալիևի հետ հանդիպմանը։
ԵՄ պաշտոնյայի խոսքով՝ Եվրամիության անդամ-երկրները սատարում են Հայաստանի ու Ադրբեջանի միջև խաղաղությանը։ Գործընթացը, Գրոնոյի խոսքով, մեծ ներդրում է բերում տարածաշրջանային կայունության պահպանման գործում։
Ադրբեջանի նախագահը շեշտել է Նախիջևանի ենթակառուցվածքների արդիականացման հարցը, ինչպես նաև խոսել Հայաստանի հետ տարվող գործընթացում վստահության ամրապնդման միջոցների մասին։
Հանդիպմանը Ալիևը կարևորել է ԱՄՆ-ի միջնորդությամբ Վաշինգտոնում ընդունված հռչակագիրը, խաղաղության համաձայնագրի նախաստորագրումը, ինչպես նաև Երևանի ու Բաքվի միջև համատեղ դիմումը՝ ԵԱՀԿ Մինսկի խմբի լուծարման հարցով՝ այն համարելով կարևոր քայլ խաղաղության գործընթացում։
Սեպտեմբերի կեսին սպասվում է Մագդալենա Գրոնոյի այցը Հայաստան։
Պատմություններ
