Տավուշի Բերդ քաղաքում հայտնաբերվել են 4000 տարվա պատմություն ունեցող գտածոներ

Տավուշի մարզի Բերդ քաղաքի Մովսես Խորենացի փողոցում ճանապարհաշինական աշխատանքներ իրականացնելու ընթացքում միջին բրոնզեդարյան խեցեղեն է հայտնաբերվել, գտածոները շուրջ 4000 տարվա պատմություն ունեն: Հայտնում է Բերդի համայնքապետարանը։

Դեռ հայտնաբեվել են 5-ից ավելի անոթներ, որոնց մի մասը գունազարդ է, հայտնաբերվել են նաև մեծ քանակությամբ զոհաբերված կենդանիների ոսկորներ: Գտածոները հետագայում տեղ կգտնեն «Բերդ» պատմամշակութային արգելոցի Բերդի պատմության և կենցաղի թանգարանում:

Պեղումները  իրականացնում է ՀՀ ԿԳՄՍՆ Պատմամշակութային արգելոց-թանգարանների և պատմական միջավայրի պահպանության ծառայություն ՊՈԱԿ-ը։