Դիլիջանի անտառներում բռնկված հրդեհներն ամբողջությամբ մեկուսացված են․ ՇՄՆ

Նոյեմբերի 27-ի՝ ժամը 08:00-ի դրությամբ Դիլիջանի ոլորանների և «Լեռնային Հայաստան» առողջարանի մոտակա անտառային հատվածներում բռնկված հրդեհները ամբողջությամբ մեկուսացված են։ Այս մասին հայտնում են շրջակա միջավայրի նախարարությունից։

Տավուշում և Գեղարքունիքում խոշոր հրդեհներ են բռնկվել նոյեմբերի 21-ից։

Տավուշի մարզում նոյեմբերի 26-ին հրդեհաշիջման աշխատանքների իրականացման ընթացքում Լոռու մարզային փրկարարական վարչության Վանաձորի թիվ 2 հրշեջ-փրկարարական ջոկատի ծառայողական մեքենան ենթարկվել է վթարի: Պատահարի հետևանքով տուժել է փրկարարական 4 ծառայող, մեկը՝ զոհվել է։