Թրամփը հայտնել է Վենեսուելայի օդային տարածքը փակելու մասին

ԱՄՆ նախագահ Դոնալդ Թրամփը հայտարարել է Վենեսուելայի հետ օդային տարածքը փակելու մասին։ Այս մասին նա գրել է Truth Social-ում։

«Բոլոր ավիաընկերություններին, օդաչուներին, թմրանյութերի և մարդկանց առևտրով զբաղվողներին. խնդրում եմ Վենեսուելայի վրայով և շրջակայքով օդային տարածքը համարել լիովին փակված», - գրել է Թրամփը։

Անցյալ շաբաթ Reuters-ը, հղում անելով ԱՄՆ պաշտոնյաներին, հաղորդել էր, որ ԱՄՆ-ն պատրաստվում է առաջիկա օրերին սկսել Վենեսուելայի դեմ գործողությունների նոր փուլ, այդ թվում՝ նախագահ Նիկոլաս Մադուրոյի հնարավոր տապալման համար։

Վերջին երկու ամիսների ընթացքում ԱՄՆ-ն բազմիցս օգտագործել է ռազմական ուժեր՝ Կարիբյան ծովում ենթադրաբար թմրանյութեր տեղափոխող նավակներ ոչնչացնելու համար։ Իշխանությունները պնդում են, որ նման գործողություններ են իրականացվում՝ միջազգային հանցագործության և թմրանյութերի ապօրինի շրջանառության դեմ պայքարի համար։