Civilnet
Հայաստանի ԱԺ նախագահ Ալեն Սիմոնյանը կործում է, որ մոտ ապագայում Հայաստան-Ադրբեջան սահմանի ևս մի հատված կսահմանազատվի։ Այսօր՝ դեկտեմբերի 10-ին, լրագրողների հետ ճեպազրույցում Սիմոնյանը չի հստակեցրել, թե կոնկրետ որ հատվածի մասին է խոսքը, սակայն նշել է՝ սահմանազատման աշխատանքները կարող են տեղի ունենալ 2026-ի առաջին եռամսյակում։
«Ինչ-որ հարցերում մենք ենք շտապում, ինչ-որ հարցերում ադրբեջանական կողմն է շտապում, բայց գործընթացը շարունակվում է։ Ես կարծում եմ, որ մոտ ապագայում մենք նաև ինչ-որ մի մաս նույնպես կսահմանազատենք, և կունենանք այն դրական, հաճելի, ստացված իրավիճակը, որը որ ունենք Կիրանցի մասում, որը որ դարձել է մեր համար օրինակելի մի տեղ, որտեղ որ մենք միջազգային գործընկերներին և մեր քաղաքացիներին, որոնք դեռ չեն եղել, տանում ենք, ցույց ենք տալիս և ի ցույց ենք դնում, թե խոսացված խաղաղությունն ինչ տեսք կարող է ունենալ և ինչ տեսք ունի»,- ասել է ԱԺ նախագահը։
***
Ադրբեջանական Գաբալա քաղաքում նոյեմբերի 28-ին կայացել էր Հայաստանի և Ադրբեջանի սահմանազատման հանձնաժողովների 12-րդ հանդիպումը։
Փոխվարչապետներ Մհեր Գրիգորյանի և Շահին Մուստաֆաևի նախագահությամբ հանդիպմանը քննարկվել է հունվարի 16-ին կայացած հանդիպման արդյունքներով ձեռք բերված պայմանավորվածությունը պետական սահմանի սահմանազատման համալիր աշխատանքները հյուսիսային հատվածից՝ Հայաստանի Հանրապետության, Ադրբեջանի և Վրաստանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Հայաստանի և Ադրբեջանի սահմանն Իրանի Հանրապետության հետ սկսելու հարցը։
Պատմություններ
