Civilnet
Հայաստանն ու Թուրքիան 2026-ի սկզբին որոշ խորհրդանշական քայլեր կձեռնարկեն։ Այս մասին հայտարարել է Թուրքիայի նախագահ Ռեջեփ Էրդողանը դիվանագիտական կորպուսի հետ տարեվերջյան հանդիպմանը։
«Ադրբեջանի հետ երկխոսությանը զուգահեռ, մենք էլ Հայաստանի հետ կարգավորման գործընթաց ենք վարում։
Տա Աստված, հաջորդ տարվա սկզբին որոշ խորհրդանշական քայլեր կձեռնարկենք»,- ասել է Էրդողանը։
Այս համատեքստում Էրդողանը նաև հայտարարել է, որ Հարավային Կովկասն այսօր պատմական շրջափուլ է թևակոխել։ Թուրքիայի նախագահի համոզմամբ՝ Ադրբեջանն ու Հայաստանը խաղաղության համաձայնագրի ստորագրման գործում մոտ են, քան երբևէ։
***
Հոկտեմբերին Հայաստանի արտաքին գործերի նախարար Արարատ Միրզոյանը հույս էր հայտնել, որ առաջիկայում Թուրքիայի հետ շատ շոշափելի ձեռքբերումներ, պայմանավորվածություններ կլինեն։
Մինչ այդ էլ վարչապետ Նիկոլ Փաշինյանն էր հայտարարել, որ Թուրքիայի հետ ծավալած դրական երկխոսությունը հույս է տալիս, որ կարող է առաջիկայում բացվել Հայաստան-Թուրքիա սահմանը:
Պատմություններ
