Civilnet
Սանկտ Պետերբուրգում տեղի է ունեցել Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի հանդիպումը: ՌԻԱ Նովոստին հայտնում է, որ առանձնազրույցի ընթացքում կողմերը քննարկել են երկկողմ հարաբերությունների օրակարգին և տարածաշրջանային զարգացումներին վերաբերող հարցերի լայն շրջանակ:
Վլադիմիր Պուտինը բանակցությունների նշել է, որ երկրներն ունեն համագործակցության լավ ծրագրեր էներգետիկայի, այդ թվում՝ ատոմային, ինչպես նաև լոգիստիկայի ոլորտներում: Ռուսաստանի նախագահն անդրադարձել է նաև ապրանքաշրջանառության ցուցանիշներին՝ ընդգծելով դրանց ճշգրտման անհրաժեշտությունը երկկողմ տնտեսական փոխգործակցության համատեքստում:
Հանդիպման մյուս առանցքային թեման վերաբերել է Երևանի և Բաքվի միջև հարաբերությունների կարգավորմանը: Ըստ ռուսական լրատվամիջոցների՝ Նիկոլ Փաշինյանը շնորհակալություն է հայտնել ռուսական կողմին խաղաղության գործընթացին ցուցաբերվող աջակցության համար: Հայաստանի վարչապետի խոսքով՝ տարածաշրջանում կայունության հաստատումը նոր հեռանկարներ կստեղծի նաև հայ-ռուսական հարաբերությունների զարգացման համար: ՌԻԱ Նովոստիի փոխանցմամբ Փաշինյանը նաև ընդգծել է, որ կողմերի միջև խաղաղության հաստատումը նոր հնարավորություններ կբացի նաև Մոսկվայի հետ հարաբերությունների համար:
Այնուհետև Փաշինյանը հանդիպել է Սանկտ Պետերբուրգի հայ համայնքի ներկայացուցիչների հետ:
Պատմություններ
