Civilnet
Որոշել եմ ընդունել Վեհափառ հայրապետի առաջարկը՝ գալ Մասսյացոտնի թեմ՝ ծառայելու, հոգևոր-եկեղեցական գործունեություն իրականացնելու՝ առանց ինտրիգների, պառակտումների, ատելության և բանսարկությունների։ Այս մասին լրագրողների հետ զրույցում ասաց Մասսյացոտնի թեմի առաջնորդական տեղապահ Հոգեշնորհ Տ․ Ռուբեն վարդապետ Զարգարյանը։
«Այս փոթորկուն շրջանում մեր եկեղեցու կյանքում, երբ պառակտված է մեր եկեղեցին, ներսից՝ դրվեց այս ընտրությունը մեր սիրելի Վեհափառ Հայրապետի կողմից և թեմի քահանայաց դասի մեծամասնության կողմից, ինձ մնում էր ընտրել։ Ես չէի կարող չընտրել, այո չասել, որովհետեւ իմ յոթամյա կամ տասնամյա վարդապետական գործությունեությունը կզրոյացվեր»,- ասաց Տեր Ռուբեն վարդապետ Զարգարյանը։
Կանոնական դաշտ վերադառնալու մի քանի հորդորներից հետո Ամենայն Հայոց կաթողիկոսը վարչապետին միացած Գևորգ եպիսկոպոս Սարոյանին ազատեց Մասսյացոտնի թեմի առաջնորդի պաշտոնից և նշանակեց Հոգեշնորհ Տ․ Ռուբեն վարդապետ Զարգարյանին : Մայր Աթոռի հաղորդագրությունում նշված էր, որ «Տնօրինության համար հիմք են ծառայել առաջնորդի հանգամանքը չարաշահելու, պարտականությունների մեջ թերանալու, թեմի եկեղեցականաց նկատմամբ հարկադրանք ու ճնշումներ գործադրելու պարագաները»:
Վարչապետ Նիկոլ Փաշինյանը այսօր Մասիսի Սուրբ Թադեոս եկեղեցում մասնակցեց պատարագի, պատարագին մասնակցեց նաև Գևորգ եպիսկոպոս Սարոյանը, որին երեկ՝ հունվարի 10-ին, Ամենայն Հայոց կաթողիկոսը ազատեց Մասսյացոտնի թեմի առաջնորդի պաշտոնից:
Պատմություններ
