Civilnet
«Զանգեզուրի միջանցքը» ռազմավարական նշանակություն ունի ինչպես «Միջին միջանցքի» նախագծի, այնպես էլ Ադրբեջանի հիմնական մասի և Նախիջևանի Ինքնավար Հանրապետության միջև ցամաքային կապ հաստատելու տեսանկյունից։ Այս մասին հայտարարել է Թուրքիայի արտաքին գործերի նախարար Հաքան Ֆիդանը, Ադրբեջանի ԱԳ նախարար Ջեյհուն Բայրամովի հետ համատեղ ասուլիսի ժամանակ։
Ֆիդանը հայտնել է, որ Անկարան ակնկալում է Հայաստանի և Ադրբեջանի միջև վերջնական խաղաղության պայմանագրի ստորագրում և վերահաստատել է Թուրքիայի պատրաստակամությունը՝ կարգավորելու հարաբերությունները Երևանի հետ՝ պնդելով, որ գործընթացի համար անհրաժեշտ քաղաքական կամքն առկա է բոլոր երեք կողմերի մոտ։
«Ե՛վ Ադրբեջանը, և՛ Թուրքիան, ինչպես նաև Հայաստանը ունեն դա անելու անհրաժեշտ կամքը»,- ասել է Ֆիդանը։
Ֆիդանը տեղեկացրել է, որ ադրբեջանցի գործընկեր Ջեյհուն Բայրամովի հետ երկժամյա քննարկում է անցկացրել «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի շուրջ, որը հրապարակվել է հունվարի 14-ին Վաշինգտոնում Հայաստանի ԱԳ նախարար Արարատ Միրզոյանի և ԱՄՆ պետքարտուղար Մարկո Ռուբիոյի հանդիպումից հետո։
Ըստ Թուրքիայի արտգործնախարարի՝ նախագահ Ռեջեփ Թայիփ Էրդողանը նույնպես իրազեկվել է փաստաթղթի մանրամասների մասին։ Ֆիդանը հայտնել է, որ Անկարայի համար կարևոր են այդ հարցում ադրբեջանական կողմի մոտեցումներն ու հեռանկարները։
Պատմություններ
