Բաքու-Նախիջևան երթուղով թռիչքներ իրականացվել են նաև նախկինում՝ մինչև 2014-ը․ կոմիտե

Քաղաքացիական ավիացիայի կոմիտեն հաստատում է, որ հոկտեմբերի 6-ին Հայաստանի Հանրապետության օդային տարածքով իրականացվել է Բաքու-Նախիջևան երթուղով թռիչք:

«Ինչպես Հայաստանի Հանրապետության, այնպես էլ Ադրբեջանի օդային տարածքների օգտագործումը չի սահմանափակվել քաղաքացիական օդանավերի համար՝ բացառությամբ 44-օրյա պատերազմի ժամանակահատվածի:

Նշված երթուղով թռիչքներ շարունակաբար իրականացվել են նաև նախկինում` մինչև 2014 թվականի նոյեմբերի 8-ը, ինչից հետո ադրբեջանական կողմն իր նախաձեռնությամբ դադարել է օգտվել Հայաստանի Հանրապետության օդային տարածքից։

Այս ողջ ընթացքում «Զվարթնոց» օդանավակայանից Ադրբեջանի օդային տարածքով չվերթեր են իրականացվել դեպի այլ երկրներ և հակառակ ուղղությամբ և շարունակում են իրականացվել։ Հավելենք նաև, որ ՀՀ ավիացիոն իշխանությունների կողմից տարանցիկ թռիչքի թույլտվություն չի տրամադրվում, քանի որ ըստ ընթացակարգերի՝ քաղաքացիական օդանավերով տարանցիկ թռիչքների իրականացման համար որևէ թույլտվություն չի պահանջվում: Օդային մայրուղիների ընտրության իրավասությունը վերապահված է օդանավ շահագործողներին»,- հայտնում է Քաղաքացիական ավիացիայի կոմիտեն։

https://civilnet.am/news/635117/%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8-%d5%bd%d5%af%d5%bd%d5%a5%d5%ac-%d5%a7-%d6%85%d5%a3%d5%bf%d5%a1%d5%a3%d5%b8%d6%80%d5%ae%d5%a5%d5%ac-%d5%b0%d5%b0-%d6%85%d5%a4%d5%a1%d5%b5%d5%ab%d5%b6-%d5%bf%d5%a1%d6%80%d5%a1%d5%ae%d6%84%d5%a8-%d5%b6%d5%a1%d5%ad%d5%ab%d5%bb%d6%87%d5%a1%d5%b6-%d5%b9%d5%be%d5%a5%d6%80%d5%a9%d5%b6%d5%a5%d6%80%d5%ab-%d5%b0%d5%a1%d5%b4%d5%a1%d6%80/