Հայաստանը դեռ պաշտոնական գրավոր հարցում չի ուղարկել Ռուսաստանին. Տողանյան

Ռուսաստանն ու Հայաստանը խորհրդակցություններ են անցկացնում ռազմական և դիվանագիտական խողովակներով՝ կապված հայ-ադրբեջանական սահմանին իրավիճակի սրման հետ։ Այս մասին ՏԱՍՍ-ին հայտնել է Մոսկվայում Հայաստանի դեսպան Վարդան Տողանյանը։

«Օպերատիվ գծով խորհրդակցություններ են ընթանում (սահմանին իրավիճակի սրման կապակցությամբ)՝ ռազմական, այլ գերատեսչությունների գծով, դիվանագիտական ուղիներով», - ասել է դեսպանը:

Հայաստանը դեռ պաշտոնական գրավոր հարցում չի ուղարկել Ռուսաստանին հայ-ադրբեջանական սահմանին տիրող իրավիճակի վերաբերյալ, հայտարարել է դեսպանը:

Ավելի վաղ անվտանգության խորհրդի քարտուղար Արմեն Գրիգորյանը հայտնել է, որ Հայաստանը դիմելու է Ռուսաստանին՝ 1997-ի պայմանագրի շրջանակում Հայաստանի Հանրապետության տարածքային ամբողջականությունը պաշտպանելու կոչով։

***

Նոյեմբերի 16-ին՝ ժամը 13։00-ի սահմաններում, ադրբեջանական զինված ուժերի ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական դիրքերի վրա։ Հայկական կողմն ունի երկու մարտական դիրքի կորուստ։ Ընթանում են տեղային մարտեր։

https://civilnet.am/news/639757/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%a6%d5%ab%d5%b6%d5%be%d5%a1%d5%ae-%d5%b8%d6%82%d5%aa%d5%a5%d6%80%d5%ab-12-%d5%a6%d5%ab%d5%b6%d5%ae%d5%a1%d5%bc%d5%a1%d5%b5%d5%b8%d5%b2-%d5%a3%d5%a5%d6%80%d5%a5%d5%be%d5%a1%d6%80%d5%be%d5%a5%d5%ac-%d5%a7%e2%80%a4-%d5%ba%d5%b6/ https://civilnet.am/news/639757/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%a6%d5%ab%d5%b6%d5%be%d5%a1%d5%ae-%d5%b8%d6%82%d5%aa%d5%a5%d6%80%d5%ab-12-%d5%a6%d5%ab%d5%b6%d5%ae%d5%a1%d5%bc%d5%a1%d5%b5%d5%b8%d5%b2-%d5%a3%d5%a5%d6%80%d5%a5%d5%be%d5%a1%d6%80%d5%be%d5%a5%d5%ac-%d5%a7%e2%80%a4-%d5%ba%d5%b6/