Սիմոնյանն ու Գաֆարովան պայմանավորվել են աջակցել միջխորհրդարանական վստահության ամրապնդմանը

Ժնևում ավարտվել է Հայաստանի խորհրդարանի խոսնակ Ալեն Սիմոնյանի և Ադրբեջանի խորհրդարանի խոսնակ Սահիբա Գաֆարովայի հանդիպումը։ Հանդիպումը տեղի է ունեցել Միջխորհրդարանական միության 151-րդ վեհաժողովի շրջանակներում։

Հայաստանի և Ադրբեջանի խորհրդարանների խոսնակների միջև երկկողմ հանդիպումը տեղի է ունեցել հոկտեմբերի 21-ին Ժնևում՝ Միջխորհրդարանական միության 151-րդ վեհաժողովի շրջանակներում։

Հայաստանի ԱԺ մամուլի ծառայությունից հայտնում են, որ քննարկումների ընթացքում խոսնակները ողջունել են Վաշինգտոնում ձեռք բերված պայմանավորվածությունները և հարաբերությունների կարգավորման ուղղությամբ իրականացվող քայլերը:

Զրուցակիցներն ընդգծել են կառուցողական երկխոսությունը շարունակելու կարևորությունը և պատրաստակամություն հայտնել աջակցելու խորհրդարանական մակարդակում վստահության ամրապնդմանն ուղղված քայլերի իրագործմանը: