Լուրեր Հայաստանից | Armenian News | CivilNet
-
Հայաստանի և Թուրքիայի միջև պայմանավորվածությունների շուրջ քննարկումները կշարունակվեն. ԱԳՆ
Լուրեր Հայաստանից | Armenian News | CivilNet Հայաստանի արտաքին գործերի նախարարությունից մեկնաբանել են Թուրքիայի նախագահի մամուլի խոսնակ Իբրահիմ Քալընի հայտարարությունը, որ նոյեմբերի սկզբին սահմանին տեղի է ունեցել հայ-թուրքական տեխնիկական պատվիրակությունների հանդիպում: ԱԳՆ մամուլի քարտուղար Վահան Հունանյանը «Արմենպրես»-ի հետ զրույցում հիշեցրեց, որ ՀՀ ԱԺ փոխնախագահ Ռուբեն Ռուբինյանը այդ հանդիպման վերաբերյալ տեղեկությունը հանրայնացրել էր դեռևս նոյեմբերի սկզբին: Նա նաև տեղեկացրեց, որ հանդիպմանը հայկական կողմից ներգրավված են եղել Հայաստան-Թուրքիա հարաբերությունների կարգավորման հատուկ ներկայացուցիչների՝ հուլիսի 1֊ին ձեռք բերված պայմանավորվածությունները կյանքի կոչելու հարցում վերաբերելի գերատեսչությունները: «Հանդիպման ընթացքում քննարկվել են ձեռք բերված պայմանավորվածությունների կիրարկմանը վերաբերող տեխնիկական հարցեր: Քննարկումները շարունակվելու են»,- ասաց Հունանյանը: *** Թուրքիայի նախագահի մամուլի խոսնակ […]
-
Գործուղումների բյուջեն կավելանա
Լուրեր Հայաստանից | Armenian News | CivilNet 2022-ի համար նախատեսված արտասահմանյան պատվիրակությունների ընդունելության, ինչպես նաև Հայաստանից գործուղումների ծախսերը սպառվել են ու կառավարությունը մտադիր է նոր միջոցներ հատկացնել այս նպատակներով։ Այդ մասին տեղեկանում ենք կառավարության դեկտեմբերի 1-ի նիստի օրակարգից։ Ինչպես որոշման հիմնավորումներում նշել է ֆինանսների նախարարությունը, արտասահմանյան պատվիրակությունների ընդունելության բյուջեն կավելացվի 180 միլիոն դրամով, իսկ Հայաստանից գործուղումներինը՝ 30 միլիոն դրամով։ Ֆինանսների նախարարությունը հայտնել է, որ պատվիրակությունների ընդունելությունների և պաշտոնական գործուղումների գծով ՀՀ վարչապետի որոշումներ կան, որոնք պետք է ֆինանսավորվեն։ Ֆինանսավորումն իրականացվելու է կառավարության պահուստային ֆոնդից։
-
Կառավարությունը 62 միլիոն դրամ կուղղի ԲԴԽ նախագահի ու անդամների հավելավճարներին
Լուրեր Հայաստանից | Armenian News | CivilNet Կառավարությունը նախատեսում է Բարձրագույն դատական խորհրդի (ԲԴԽ) նախագահի և անդամների համար հավելավճարներ սահմանել 2023-ից։ Այդ մասին տեղեկանում ենք կառավարության դեկտեմբերի 1-ի նիստի օրակարգից։ Ըստ որոշման հիմնավորման՝ քանի որ օրենքով Վճռաբեկ դատարանի դատավորների համար նախատեսված է պաշտոնային դրույքաչափի 50 տոկոսի չափով հավելում, նույն մոտեցումը պետք է կիրառվի նաև ԲԴԽ անդամների ու նախագահի դեպքում։ Կառավարությունն առաջարկում է ԲԴԽ նախագահի ու անդամների հավելումների վճարման համար հաջորդ տարի հատկացնել 62 միլիոն դրամ։ Ըստ բացվածքի՝ ԲԴԽ նախագահի դեպքում ամսական հավելումը կկազմի 665 000 դրամ, իսկ ԲԴԽ անդամի դեպքում՝ մոտ 500 000 դրամ։
-
Աշխարհի առաջնություն 2022. դեկտեմբերի 1-ի խաղացանկը
Լուրեր Հայաստանից | Armenian News | CivilNet Այսօր՝ դեկտեմբերի 1-ին, տեղի կունենան ֆուտբոլի աշխարհի առաջնության Е և F խմբերի երրորդ տուրի խաղերը։ Վերջին տուրում խմբերի հանդիպումները կմեկնարկեն միաժամանակ․ Կանադա – Մարոկկո, ժամը 19:00 (F խումբ) Խորվաթիա – Բելգիա, ժամը 19:00 (F խումբ) Կոստա Ռիկա – Գերմանիա, ժամը 23:00 (E խումբ) Ճապոնիա – Իսպանիա, ժամը 23:00 (E խումբ) E խմբի առաջատարն Իսպանիան է, որն ունի չորս միավոր, Ճապոնիան ու Կոստա Ռիկան ունեն երեքական, Գերմանիան՝ մեկ միավոր։ F խմբում առաջին երկու տեղերի հավաքականները՝ Խորվաթիան և Մարոկկոն, ունեն չորսական միավոր։ Բելգիան երրորդն է՝ վաստակած երեք միավորով, Կանադան միավոր չունի։
-
Հայտնի է աշխարհի առաջնության 1/8 եզրափակչի ևս չորս հավաքականի անուն
Լուրեր Հայաստանից | Armenian News | CivilNet Ֆրանսիան, Ավստրալիան, Արգենտինան և Լեհաստանը դուրս եկան ֆուտբոլի աշխարհի առաջնության 1/8 եզրափակիչ։ Նոյեմբերի 30-ին տեղի ունեցան C և D խմբերի վերջին տուրի հանդիպումները։ C խմբի առաջատարը Արգենտինան է՝ վաստակած 6 միավորով։ Վերջին խաղում արգենտինացիները 2 անպատասխան գնդակ ուղարկեցին Լեհաստանի դարպասը։ Խմբի մյուս խաղում Մեքսիական 2:1 հաշվով հաղթեց Սաուդիան Արաբիային։ Այս խմբից փլեյ-օֆֆի ուղեգիր նվաճեցին Արգենտինայի և Լեհաստանի հավաքականները։ Ֆրանսիան թեև 1:0 հաշվով պարտվեց Թունիսին, բայց D խմբում զբաղեցրեց առաջին տեղը։ Երկրորդը Ավստրալիան է, որը կարողացավ որոշիչ խաղում նվազագույն հաշվով առավելության հասնել Դանիայի ընտրանու նկատմամբ։ Արգենտինայի հավաքականը 1/8 եզրափակչում կմրցի Ավստրալիայի, իսկ Ֆրանսիան` Լեհաստանի […]
-
Հակառակորդը կրակել է հայկական դիրքերի ուղղությամբ, կորուստներ չկան․ ՊՆ
Լուրեր Հայաստանից | Armenian News | CivilNet Ադրբեջանական կողմը տարբեր հրաձգային զինատեսակներից կրակել է հայկական դիրքերի ուղղությամբ, կորուստներ չկան։ Այս մասին հայտնում է Հայաստանի պաշտպանության նախարարությունը։ «Նոյեմբերի 30-ին՝ ժամը 22:35-ին, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանագոտու արևելյան հատվածում տեղակայված հայկական դիրքերի ուղղությամբ: Հայկական կողմը կորուստներ չունի»,- ասված է հաղորդագրությունում։ ՊՆ-ից տեղեկացնում են, որ դեկտեմբերի 1-ի՝ ժամը 08:30-ի դրությամբ, իրադրությունն առաջնագծում հարաբերականորեն կայուն է:
-
Ֆրանսիայի Ազգային ժողովը միաձայն ընդունեց Ադրբեջանի նկատմամբ պատժամիջոցներ առաջարկող բանաձև
Լուրեր Հայաստանից | Armenian News | CivilNet Նոյեմբերի 30-ին Ֆրանսիայի Ազգային ժողովը միաձայն ընդունեց Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև։ Ի թիվս այլ դրույթների՝ Ֆրանսիայի Ազգային ժողովի բանաձևը. – Կոչ է անում բոլոր հայ ռազմագերիների անհապաղ և առանց նախապայմանների ազատ արձակում և վերադարձ հայրենիք; – Առաջարկում է կառավարությանը դիտարկել անհատական պատժամիջոցների կիրառման հնարավորությունը՝ Ադրբեջանի կողմից Հայաստանի ինքնիշխան տարածքի նկատմամբ հարձակումների և օկուպացիայի շարունակման պարագայում; – Կոչ է անում կառավարությանը շարունակել միջնորդական ջանքերի գործադրումը՝ Լեռնային Ղարաբաղի հայ բնակչության անվտանգության խնդրի լուծման նպատակով՝ համաձայն ԱԺ 2020 թվականի թիվ 502 բանաձևի դրույթների (նշված բանաձևով առաջարկվում է կառավարության ճանաչել Լեռնային Ղարաբաղը); – […]
