Խաղաղությունն ու հայ գերիները. ՍիվիլՆեթի քննարկումը

Հնարավո՞ր է արդյոք հասնել Ադրբեջանի և Հայաստանի միջև կայուն խաղաղության, քանի դեռ հայ գերիները շարունակում են մնալ Բաքվի բանտերում։ «Երեք տարի բանտում. խաղաղությունն ու հայ գերիները» խորագրով ՍիվիլՆեթի քննարկմանը «Իրավունքների պաշտպանություն առանց սահմանների» ՀԿ ներկայացուցիչ, իրավական հարցերով փորձագետ Աննա Մելիքյանը, միջազգային իրավունքի մասնագետ, ELL PARTNERSHIP ընկերության հիմնադիր գործընկեր Տարոն Սիմոնյանը և խաղաղաշինության ու հակամարտությունների կարգավորման մասնագետ, Քարթեր կենտրոնի՝ հակամարտությունների կարգավորման բաժնի նախկին տնօրեն Հրայր Պալեանը քննարկեցին հայ գերիների նկատմամբ կայացված վճիռները, գերիների վերադարձի միջազգային իրավական ու դիվանագիտական գործիքները, ինչպես նաև պետության և հասարակության անելիքները։