Հնդկաստանի արտաքին գործերի նախարար Սուբրամանյամ Ջայշանկարը շնորհակալություն է հայտնել Հայաստանին` իր քաղաքացիներին Իրանից տարհանելու համար:
«Եվս 312 հնդիկ ձկնորս անվտանգ կերպով տարհանվեցին Իրանից Հնդկաստան՝ Հայաստանի միջոցով։ Շնորհակալություն Հայաստանի կառավարությանը և իմ ընկերոջը՝ Արարատ Միրզոյանին, որ դա հնարավոր դարձրին»,- X-ի իր միկրոբլոգում գրել է Հնդկաստանի ԱԳ նախարարը։
Հայաստանի արտգործնախարար Արարատ Միրզոյանն արձագանքել է Սուբրամանյամ Ջայշանկարին.
«Իմ սիրելի ընկեր Սուբրամանյամ Ջայշանկար, Հայաստանի և Հնդկաստանիմիջև բարեկամությունը միշտ ամուր է եղել, այդ թվում՝ ճգնաժամային ժամանակներում, և ես վստահ եմ, որ մենք դեռ ականատես կլինենք այս գործընկերության շատ ավելի դրսևորումների»,- X-ում գրել է Միրզոյանը։
Պատմություններ
