«Ուժեղ Հայաստան» կուսակցության Արտաշատի գրասենյակից բերման ենթարկված և ձերբակալված 14 անդամներից 12–ի նկատմամբ որպես խափանման միջոցներ են կիրառվել տնային կալանքը, գրավը և բացակայելու արգելքը։ Այս մասին հայտնել են Հակակոռուպցիոն կոմիտեից։
Ապրիլի 15-ին Հակակոռուպցիոն կոմիտեից հայտնել էին, ոչ «Ուժեղ Հայաստան» կուսակցության անդամների և նրանց հետ համագործակցող հասարակական կազմակերպությունում որպես աշխատակից գրանցված մի խումբ անձանց կողմից Արարատի մարզի Արտաշատ համայնքի մի շարք ընտրողների ընտրակաշառք է բաժանվել:
«Հանցավոր գործունեությունը քողարկելու և չբացահայտվելու նպատակով հանցավոր խմբի անդամները միմյանց հետ կապ են հաստատել ինտերնետ-հավելվածների միջոցով»,- հայտնել էին կոմիտեից:
Դեպքի առթիվ ՀՀ քրեական օրենսգրքի համապատասխան հոդվածներով նախաձեռնվել է քրեական վարույթ, կատարվել են բազմաթիվ խուզարկություններ։
Պատմություններ
