«Ուժեղ Հայաստան» կուսակցության ղեկավար Սամվել Կարապետյանի գործով դատական նիստից առաջ Հակակոռուպցիոն դատարանի տարածքից 17 անձ է բերման ենթարկվել և ձերբակալվել։ Նրանք երթով Թբիլիսյան խճուղիուվ շարժվում էին դեպի Հակակոռուպցիոն դատարան։
Երթի ընթացքում Կարապետյանի աջակիցների և ոստիկանների միջև հրմշտոց և քաշքաշուկ է սկսվել։
«Վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված արարք կատարելու համար 17 անձ ձերբակալվել և տեղափոխվել է համայնքային ոստիկանության ստորաբաժանումներ»,- այս մասին հայտնել են ՆԳՆ ոստիկանությունից։
Այսօր՝ ապրիլի 17-ին, Հակակոռուպցիոն դատարանում քննվում է Սամվել Կարապետյանի խափանման միջոցը փոխելու հարցը։
․․․
2025-ի հունիսի 17-ին Սամվել Կարապետյանի տանը խուզարկություն իրականացվեց այն բանից հետո, երբ նա հրապարակավ աջակցություն հայտնեց Հայ առաքելական եկեղեցուն: Նա կալանավորվեց հունիսի 18-ին։ Դեկտեմբերի 30-ին դատարանը փոխեց գործարարի խափանման միջոցը, և բանտային կալանքը փոխարինվեց տնային կալանքով, 4 մլրդ դրամ գրավով և այլ սահմանափակումներով: Մարտի 14-ին Կարապետյանի խափանման միջոց տնային կալանքի ժամկետը ևս մեկ ամսով երկարաձգվել էր։
Սամվել Կարապետյանը «Ուժեղ Հայաստան» կուսակցության վարչապետի թեկնածուն է՝ 2026-ի խորհրդարանական ընտրություններում։
Պատմություններ
