Ադրբեջանի և Հայաստանի քաղաքացիական հասարակության ներկայացուցիչների և լրատվամիջոցների միջև փոխադարձ այցելություններն ու հանդիպումները նպաստում են իրավիճակի կարգավորմանը։ Այս մասին հայտարարել է Ադրբեջանի նախագահ Իլհամ Ալիևը Լատվիայի նախագահ Էդգարս Ռինկևիչսի հետ համատեղ մամուլի ասուլիսի ժամանակ, գրում է APA-ն։
Ալիևը նշել է, որ խաղաղության պայմանագրի նախաստորագրումից հետո բազմաթիվ միջոցառումներ են տեղի ունեցել երկու երկրների միջև։ «Սկսվել են առևտրային հարաբերություններ, մասնավորապես՝ նավթամթերքի արտահանում Ադրբեջանից Հայաստան»,- ասել է Ալիևը։
***
Հայաստանի և Ադրբեջանի փորձագետների և լրագրողների փոխայցելությունները մեկնարկել են 2025-ից: Նախ օդային ճանապարհով հինգ ադրբեջանցի փորձագետից կազմված խումբ է այցելել Բաքու, հետո հինգ ադրբեջանցի փորձագետ եկել է Երևան։ Այնուհետև հայ-ադրբեջանական սահմանի սահմանազատված ցամաքային հատվածով 20 ադրբեջանցի փորձագետներ ու լրագրողներ եկան Հայաստան, ևս 20 հայ փորձագետ ու լրագրող նույն ճանապարհով գնացին Ադրբեջան։
2025-ի նոյեմբերից Ադրբեջանի տարածքով Հայաստանը երկաթգծով ցորեն է ներկրում Ռուսաստանից։ Դեկտեմբերից էլ Ադրբեջանից վառելիք է ներկրվում Հայաստան։
Պատմություններ
