«Դինոզավր» խաղալիքի բաղադրության մեջ թունավոր նյութեր են հայտնաբերվել

«Դինոզավր» անվանմամբ վաճառվող խաղալիքի բաղադրության մեջ առկա են երեխաների առողջության համար վտանգավոր (թունավոր) նյութեր։ Այս մասին հայտնում են Շուկայի վերահսկողության տեսչական մարմնից։

Նշվում է, որ վերահսկողական միջոցառումներ է իրականացրել «ՎԱԶԳԵՆ ԱՄՅԱՆ ՍԵՐՅՈԺԱՅԻ» Ա/Ձ-ում։

Տեսչական մարմնի կողմից տրվել են համապատասխան հանձնարարականներ՝

- նշված անվանմամբ խաղալիքի հետկանչման,

- և ոչնչացման վերաբերյալ։

Տեսչական մարմինը հորդորում է բոլոր սպառողներին, ովքեր ձեռք են բերել վերոնշյալ խաղալիքից, կապ հաստատել Տեսչական մարմնի հետ և վերադարձնել դրանք՝ երեխաների առողջության համար հնարավոր վնասներից խուսափելու նպատակով։