«Երևան ուելնես» մարզաառողջարանային համալիրի լողավազանում քլորի մեծ չափաբաժնի արտահոսքի հետևանքով բուժօգնություն է ստացել 5 մարդ, այդ թվում՝ 4 երեխա։ Մեծահասակը համալիրի աշխատակից է՝ ազգությամբ հնդիկ։
Երևանի քաղաքապետի մամուլի խոսնակ Ջուլիետա Ազարյանը հայտնում է, որ անվտանգության նկատառումներից ելնելով՝ դեպքի վայր է կանչվել շտապօգնության բրիգադ, իսկ տուժածներին ապահովության համար լրացուցիչ թթվածին է տրամադրվել։
Երեխաները գանգատվել են քլորի ուժեղ հոտից և կոկորդում քերոցի զգացողությունից։ Համալիրի աշխատակցի մոտ արձանագրվել են աչքերի թեթև մրմռոց, հազ, թուլություն, փսխում, օդի անբավարարության զգացում և գլխապտույտ։ Նա տեղափոխվել է բժշկական կենտրոն։
Համալիրը նախկինում պատկանում էր գործարար Գագիկ Ծառուկյանին և գործում էր «Մուլտի Ուելնես» անունով։ Ծառուկյանին կալանավորելուց հետո, 2026 թվականի հուլիսին Երևանի քաղաքապետ Տիգրան Ավինյանը հայտարարեց, որ քաղաքապետարանը լուծել է ընկերության հետ պայմանագիրը, և համալիրի շենքն անցել է Երևանի քաղաքապետարանին։ Հուլիսի վերջին այն վերաբացվել է «Երևան Ուելնես» անունով։
Պատմություններ
